Vetëm 25 vjeçe, numri 1 në botë dhe një karrierë e sigurtë përpara drejt rekordeve të reja.
Por jo, Ashleigh Barty ka vendosur të tërhiqet përfundimisht kur më e mira ende nuk ka ardhur dhe ku mund të vendoste rekorde të mëdha.
Në një emision direkt, me Casey Dellacqua përmes kanaleve të saj të mediave sociale ajo shokoi të gjithë me njoftimin e saj.
“Sot është një ditë e vështirë dhe e mbushur me emocione për mua pasi njoftoj tërheqjen time nga tenisi. Nuk isha e sigurt se si ta ndaja këtë lajm me ju, kështu që i kërkova mikut tim të mirë @caseydellacqua të më ndihmonte. Jam shumë mirënjohëse për gjithçka që më ka dhënë ky sport dhe largohem duke u ndjerë krenare dhe e plotësuar.
Faleminderit të gjithëve që më kanë mbështetur gjatë rrugës, do të jem gjithmonë mirënjohës për kujtimet e përjetshme që krijuam së bashku”, deklaroi ajo teksa la të ngrirë të gjithë tifozët.
Ashleigh Barty, britanikja e talentuar ka fituar deri tani tre trofe të rëndësishëm Grand Slam, Roland Garros 2019, Wimbledon në 2021 dhe të fundit fare muaj më parë në Australian Open.
Tifozët shpresojnë që Barty të rikthehet sërish pasi edhe herë të tjera ajo ka paralajmëruar largimin nga tenisi.
