Partizani prej vitesh ka vuajtur për një shtëpi. Të kuqtë janë duke i dhënë dorën e fundit kompleksit në Tufinë, teksa në fotot e fundit të publikuara nga “FK Partizani Tiranë” duket se fusha është gati.
Portat e reja kanë ditë që kanë mbërritur, ndërsa vijojnë punimet në ambientet e brendshme dhe hotelin e skuadrës që është pranë fushës kryesore. Tribunat presin të vishen me ulëset e kuqe për tifozët, ndërsa stadiumi do ofrojë kushte edhe për zhvillimin e ndeshjeve me ndriçim artificial.
Veç fushës së madhe dhe hotelit, në këtë kompleks do ketë edhe dy fusha stërvitore që do shërbejnë për moshat e të kuqve dhe Akademinë. Tanimë duket se pjesa më e madhe është kryer, me Demat që kërkojnë të luajnë në shtëpinë e tyre qysh këtë sezon.
