Një i ri shqiptar është dënuar me katër vjet e gjashtë muaj burg pasi u kap në Angli me kokainë të ‘klasit A’.
29 vjeçari Emiljan Filipi u ndalua nga policia britanike në janar të vitit të kaluar teksa ai po udhëtonte me një Astra gri, ku gjatë kontrollit, policia gjeti një bllok të tërë kokaine në vlerën e 20 mijë paundëve.
Pas kontrollit të makinës së tij, policia bastisi edhe banesën ku gjeti 2 mijë paund të tjera në para. Në maj të vitit të kaluar, shqiptari pranoi se merrej me trafik droge ‘klasit A’.
Pasi doli në gjykatë, Emiljan Filipi u dënua me 4 vjet e gjashtë muaj. Ndërkaq, seanca dëgjimore që pritej të zhvillohej ditën e djeshme pas ankimit të vendimit nga ana e 29 vjeçarit, është shtyrë për dy javë për të bërë të mundur marrjen e një përkthyesi shqiptar.
