Deputeti Gazment Bardhi, në mbledhjen e Kryesisë që po zhvillohet në selinë e PD, ka deklaruar se të dyja palët e kësaj partie duhet të bashkohen.
Bardhi shprehet se për zgjedhjet e vitit 2023 duhet të garojnë të bashkuar. Sa i përket dyerve të blinduara, të cilat i komentuan gjatë mbledhjes së kryesisë, Bardhi i quan çështje administrative.
“Së pari lidhur me blindimin e PD-së, dyert janë të hapura, dhe janë çështje të administratës. S’ja vlen të merremi në kryesi me këtë. Së dyti për zgjedhjet e vitit 2023, është propozuar me idenë që do pranohej nga të dy palët, duke bërë zgjedhje të bashkuar. Jam dakord edhe unë që të dalim me mesazh për bashkimin”, tha Bardhi.
