Forcat zjarrfikëse kanë mundur të nxjerrin nga automjetet që u përfshinë në aksident në aksin Fushë Krujë-Thumanë personat e bllokuar në makinat e aksidentuara.
Fillimisht u raportua për 3 të plagosur, ndërsa si pasojë e përplasjes numri i personave të dëmtuar është 4 persona.
Një prej të plagosurve, shtetasi A.D, i cili ishte edhe shoferi i një prej makinave të përfshira në aksident ndodhet në spitalin e traumës nën kujdesin e mjekëve.
Sipas policisë drejtuesi i makinës tjetër është ende i paidentifikuar.
Grupi hetimor ndodhet në vendngjarje dhe po punon për sqarimin e aksidentit.
