Zëdhënësi i Vladimir Putin, Dmitry Peskov ka bërë një deklaratë shokuese, duke paralajmëruar përdorimin e armëve bërthamore. Ai tha se një gjë e tillë do të ndodhte “vetëm nëse rrezikohet ekzistenca e Rusisë”.
Deklarata e njeriu të Vladimir Putin vjen teksa luftimet në Ukrainë vijojnë prej 28 ditësh dhe ushtria ruse ka pësuar humbje të mëdha.
Në një intervistë për CNN, ai gjithashtu ka theksuar se ishte i sigurt se presidenti rus Vladimir Putin nuk do të përdorte armë bërthamore në Ukrainë.
Pritet reagimi i perëndimit pas kësaj deklarate të zëdhënësit të qeverisë ruse.
Ndërkohë ushtria ruse është përballur me një rezistencë të fortë nga forcat ukrainase, në nisjen e fillimit të pushtimit të Ukrainës në orët e para të mëngjesit me 24 shkurt.
Peskov ka shtuar gjithashtu se presidenti rus Vladimir Putin e ka pranuar se Rusia nuk ka arritur ndonjë nga qëllimet e saj ushtarake në Ukrainë.
I pyetur se çfarë mendon Putini se kishte arritur deri më tani në Ukrainë, Peskov u përgjigj se presidenti rus nuk ka ende një vlerësim.
Zëdhënësi i Kremlinit pohoi gjithashtu se “operacioni ushtarak special” – termi zyrtar i Kremlinit për pushtimin e Ukrainës nga Rusia – “po vazhdonte në mënyrë rigoroze në përputhje me planet dhe qëllimet që ishin vendosur më parë”.
