Kryeministri Edi Rama shprehet se “Dita pa Makina” duhet të bëhet çdo muaj.
“’Dita pa Makina’ duhet të bëhet hap pas hapi pjesë e pandashme e kalendarit tonë mujor, ashtu sikundër fuqizimi i transportit publik dhe nxitja e përdorimit të biçikletave në qytet, do të jenë pjesë e pandashme e punës së përbashkët me pushtetin vendor, për më shumë cilësi jete në hapësirat publike të komuniteteve tona”, shkroi Rama në një postim në FB.
Kjo e Martë ishte “ditë pa makina” në kryeqytet – ku u bllokuan për qarkullimin e automjeteve një pjesë e akseve rrugore.
