Shpëtim Duro mendon se lista e përfaqësues shqiptare për miqësoret ndaj Spanjës dhe Gjeorgjisë është e ndikuar nga situata aktuale në të cilën gjenden shumë futbollistë kuqezi.
Duke folur në emisionin “Sport News” në “News 24”, të moderatores Enxhi Biba, ai ka shpjeguar se fakti që shumë lojtarë luajnë në nivelet më të larta në Europë, thuajse ia ka bërë të diktuara zgjedhjet teknikut Edi Reja, ndaj edhe mungojnë disa lojtare nga Superiorja.
“Jo vetëm në Shqipëri, në çdo vend e kombëtare, kur bëhet lista, sigurisht ka kontestime. Unë kam parasysh një thënie të Deshamp që thotë ’më e vështira është kur grumbulloj kombëtaren’, se Franca ka shumë yje. Edhe ne momentalisht kemi në rritje nivelin e kombëtares, ndaj polemika e diskutime do të ketë. Por në përgjithësi është baza e skuadrës kombëtare edhe nga edicioni i kaluar, edhe për këto ndeshjet miqësore.
Të ftuar nga kampionati shqiptar? Momentalisht është Hoxhallari i cili për mua është lojtar që po kalon formë të shkëlqyer që mund të luajë momentalisht në çdo skuadër në Europë për mënyrën e lojës që ka. Ai luan me të majtën, trajnerët i dinë avantazhin se në mbrojtje nuk ka shumë të tillë. Seferi duhej të ishte se po kalon një formë normalisht se po kalon një formë të shkëlqyer. Ishte vjet edhe pse nuk ishte në këtë formë. Ai është në ekipin kombëtar por në këto ndeshje nuk e ka afruar, por ka shumë emra që mund të merren nga kampionati shqiptar.
Mund të kishte edhe tani, por ka prurje të jashtëzakonshme në ekipet kombëtare. Në mbrojtje a mesfushë janë 6 vetë që luajnë në Serinë A, janë 3 që luajnë në Spanjë, trajneri është i imponuar se janë lojtarë që luajnë në nivele shumë ta larta. Kam mendimin që si asnjëherë tjetër Shqipëria ka futbollistë që luajnë në nivele të larta dhe luajnë në ekipet e tyre, janë bazë nga porta deri në sulm. Ka futbollistë që kanë moshën e re. Kur kam qenë trajner i Partizanit para disa vitesh, doja që të afroheshin lojtarë nga Partizani. Ngulja këmbë për Bathën, Trashin e Fejzullahin. Nuk i afronin, një herë Fejzullahin. Nuk e morën Trashin atëherë, por 5 vite më vonë, kur ishte 28 vjeç. Them se duhet të ketë më shumë besim te kampionati shqiptar se ka shumë futbollistë që kanë kaluar këtu duke filluar nga Cikalleshi e Uzuni. Momentalisht ka vështirësi trajneri se ka shumë që luajnë në nivele të larta.
Asllani është supertalent, superlojtar, e kam ndjekur me Empolin. Ai ëhstë 19-vjeç, derisa luan rregullisht në Serinë A, patjetër që është shumë i rëndësishëm për ekipin tonë dhe për të ardhmen. Aq më shumë që luan në pozicionet e mesfushës që skuadra ka nevojë, luan në pozicionin e Bares, Gjasulës, vrapon shumë, ka zotërim perfekt dhe rikuperon shumë. Ai vrapon në ndeshje 13 kilometra. Është e jashtëzakonshme, nuk është rastësi që luan rregullisht me Empolin. Nuk vuan mesfusha se kemi lojtarë si Gjasula, Bare, Abrashi, Laçi e Çekiçi. Mos të themi të ardhmen si Çelhaka e shumë të tjerë, ka shumë kampionati shqiptar. Është Lushkja, është Shehu i Laçit, Deliu, ka Tirana e Partizani. Të mos hyjmë në këto gjëra se gjej shumë futbollistë. Por çdo trajner sheh që këto luajnë në formacion në Serinë a dhe është diçka tjetër që të luash në Serinë A nga kampionati shqiptar, realisht”, tha ndër të tjera Duro.
