Maneskin kanë shpallur datat e turneut të tyre të parë botëror, në të cilin nuk bën pjesë Rusia. Artistët italianë janë solidarizuar me pushtimin e Ukrainës nga ushtria ruse duke e përjashtuar kështu shtetin më të madh në botë nga turi.
Ata do mbajnë 48 koncerte midis Amerikës së Veriut dhe Evropës. Datat e “Loud Kids Tour” janë shtuar dhe tani përfshijnë Amerikën e Veriut, si dhe disa takime në sallat sportive italiane. Turneu i Klubeve Evropiane, i shtyrë më parë, do të kalojë në Palasports në vitin 2023.
“Ne jemi të gëzuar të njoftojmë se turneu ynë “Loud Kids” është bërë edhe më i madh dhe mbarëbotëror! Turneu “Loud Kids” është rritur dhe do të përfshijë datat tona të para në SHBA. Ndërsa kapaciteti i të gjitha shfaqjeve evropiane në ambiente të mbyllura është rritur për shkak të kërkesës nga njerëzit. Ne kemi shtuar edhe disa data të reja për të gjithë ata që nuk mundën të merrni biletat në kohë.
Sigurisht nuk është e lehtë për ne të flasim për koncerte, ndërsa lufta vazhdon në Ukrainë dhe shkakton vuajtjen e kaq shumë njerëzve të pafajshëm. Ne jemi të shkatërruar për popullin ukrainas dhe duam t’u tregojmë atyre solidaritetin tonë të plotë. Për shkak të vendimeve të marra nga pushtetarët, vendime që mundojnë jetën e civilëve të pafajshëm, ne nuk do të performojmë në Rusi. Ne duhet të jemi të bashkuar për paqen, tani dhe përgjithmonë.”
View this post on Instagram
