Fatbardh Kadilli u shpreh mbrëmjen e sotme në Opinion se Sali Berisha nuk e ka garën me Lulzim Bashën, por me Edi Ramën.
“A e mund dot Berisha, Edi Ramën dhe ta çojë PD në fitore? Këta gëzohen se mundën Lulzim Bashën, po pse me atë e kishin garën?”, tha Kadilli.
Ai shtoi se PD është në këtë situatë pasi adhuron liderin. “E djathta nuk adhuron liderin por Zotin. E majta adhuron liderin pasi është ateiste. Lulzim Basha nuk iku, thjesht është tërhequr. Sali Berisha nuk iku kurrë nga partia, atje ishte në PD dhe i morën bashkë vendimet e Lulzim Bashën. Lulzim Basha është një nxënës i keq i Sali Berishës”, tha Kadilli.
Ai tha se në garën për kryetar hyri për të treguar se PD nuk kishte zgjedhje të ndershme dhe kjo u provua.
