Një shqiptar ka humbur jetën në një aksident të ndodhur të Dielën në Itali.
Mediat italiane raportojnë se viktima është Mariglen Gjergji, 25 vjeç, i lindur në Greqi dhe me shtetësi italiane, por me origjinë shqiptare.
Nën drejtimin e një motoçiklete “Ducati Multistrada”, ai u përplas me një automjet tip “Mitsubishi Gls”.
Nga aksidenti i ndodhur në orën 17 në Isorella në Cherasco, i riu ka gjetur vdekjen e menjëhershme, ndërsa drejtuesi i makinës është dërguar në spitalin e Verduno-s në gjendje të rëndë, por jashtë rrezikut për jetën.
Mariglen Gjergji jetonte prej kohësh me prindërit dhe motrën 14-vjeçare në komunën Bra.
