Djali i miliarderit George Soros, Alexander Soros, është takuar sërish më kryeministrin Edi Rama, këtë herë në Tiranë.
Ai ka postuar një foto në Instagram me kreun e qeverisë, ku thekson se Rama është njeriu që e shndërroi Tiranën në një nga qytetet më të veçanta në botë.
Soros, i riu, është një njeri aktiv në politikën europiane dhe sidomos në Ballkanin Perëndimor. Ai shfaqet herë në Shkup, herë në Beograd dhe mW pas në Tiranë, ku duket se kohën e takimeve e ndan mes Edi Ramës dhe Erion Veliajt.
Pak ditë më parë ai u shfaq në krah të Veliajt ku nuk munguan vlerësimet dhe elozhet për Kryebashkiakun, aq sa u interpretuan si përgatitja e tij për pasardhësin politik të Edi Ramës.
