Më perëndimori ishte Pëllumb Matraku, roja prej 24 vitesh i PD, i cili dha dorëheqjen një ditë para 8 janarit. Në një intervistë për Kumtarin, Matraku shprehet se PD-n e bashkon vetëm Berisha!
Me datë 7 janar të këtij viti, një ditë para ngjarjeve të datës 8 kur të gjithë pamë skenat me gaz lotsjellës në oborrin e selisë së Partisë Demokratike, pati një dorëheqje nga kjo seli.
Ai ishte Pëllumb Matraku, i cili nëpërmjet një postimi në Facebook deklaroi dorëheqjen nga puna dhe bëri thirrje për bashkimin e PD.
Postimi i Matrakut me 7 janar:
“Kam punuar 24 vite në PD. Jam shumë krenar që kam punuar me profesor doktor Sali Berishën. Në 2 legjislaturat e fundit kam punuar me Lulzim Bashën, i jam shumë mirënjohës. Sot (të mërkurën) bëra një largim para kohe sepse nuk më pëlqejnë disa reagime mes demokratësh. Bëni mirë të gjeni gjuhën, mos i bëni qejfin të tjerëve”, shkruante Matraku.
Sot, thuajse mbi dy muaj më vonë dha dorëheqjen edhe Lulzim Basha. Por, dorëhejqe e cila vjen pas një disfate përballë Sali Berishës në zgjedhjet lokale të pjesshme të 6 marsit, ku Basha e nxori logon e PD në vendin e fundit.
Kumtari i drejtoi disa pyetje z. Matraku, i cili sot është në cilësinë e një demokrati të thjeshtë që sakrifikoi vendin e punës për të mos qenë i pranishëm në gjithë sa u pa më 8 janar.
Me ç’rast, të gjitha ngjarjet nga 8 marsi e tëhu, treguan se z. Matraku ka qenë shumë herë më largpamës se Basha dhe shumë të tjerë mbështetës të tij.
INTERVISTA:
Kumtari: Z. Matraku, ju jeni i pari që dhatë një shembull personal, me dorëheqje, në funksion të bashkimit të PD. Ç’mendim keni për dorëheqjen e Lulzim Bashës sot?
Matraku: Dorëheqja e Bashës është shumë e vonuar, por siç thotë populli, më mirë vonë se kurrë.
Kumtari: A mendoni ju se personi i vetëm që mund të bashkojë Partinë Demokratike është Sali Berisha?
Matraku: Partinë Demokratike mund ta bashkojë vetëm Sali Berisha, në gjykimin tim.
Kumtari: Cili është mesazhi juaj sot për Bashën dhe për ata drejtues që ai la pas, të cilët kërkojnë të ikë edhe Berisha?
Matraku: Mesazhi im është; PD duhet të zgjedhë nga e para të gjitha organet drejtuese. Ata që kërjojnë largimin e Berishës janë pa elektorat.
Kumtari: Po për demokratët e thjeshtë, njëri prej të cilëve jeni edhe ju, çfarë mesazhi keni?
Matraku: Mesazhi im për demokratët është, të bashkohen të gjithtë për të çuar Partinë Demokratike në fitore sa më shpejt
