Isamael Bennacer ka bindur drejtuesit e Milanit. Kontrata e mesfushorit skadon në vitin 2024, por te kuqezinjtë janë të gatshëm ta zgjasin bashkëpunimin edhe për 2 sezone të tjera.
Me gjuhë më të thjeshtë, “Djalli” dëshiron t’i ofrojë një marrëveshje të re të vlefshme deri në vitin 2026, ku do fitojë 3 milionë euro në edicion, pa llogaritur bonuset.
Deri më tani, algjeriani ka rezultuar njeriu i Scudettos. Ishte pikërisht ai që i dha 3 pikë në fundjavë ekipit të Piolit, në transfertën ndaj Cagliarit. 24 vjeçari sa herë është aktivizuar, ia ka dalë të bëjë diferencën, duke i dhënë jo pak ndihmë skuadrës në arritjen e rezultateve të rëndësishme. Milan është në vendin e parë dhe do tentojë të mbajë kryesimin deri në fund.
