Robert Lewandowski është kthyer në një nga lojtarët më të lakuar në tregun e transferimeve, kjo për shumë arsye.
Leva është një nga “bomberat” më të mirë në qarkullim, emri i tij garanton një “thes” me gola, por në të njëjtën kohë nuk po rinovon kontratën me Bayern Munich, kontratë që i skadon në 2023.
Palët nuk kanë nisur ende bisedimet për të rinovuar dhe sulmuesi nga ana tjetër ka qenë gjithmonë i hapur për një aventurë të re.
Tashmë “fichajes” shkruan se gati të futet në garë për Lewandowskin është edhe Liverpool, që drejtohet nga Jurgen Klopp.
Trajneri gjerman e njeh mirë sulmuesin, pasi e ka pasur nën urdhra edhe te Borussia Dortmund. Për Lewandowskin ka interes edhe nga Barcelona e Real Madrid.
