Manchester City për herë të parë është ngjitur në krye të “Deliotte Money League”, e cila tregon ekipet me më shumë përfitime monetare në një vit, duke kaluar Barcelonën, e cila ka rënë me tre vende.
Kampionët në fuqi të Premier Ligës, kanë përfituar në sezonin 2020-2021 një shumë prej 571 milionë paundësh, si asnjë klub tjetër, duke u ndjekur nga Reali i Madridit me një fitim prej 537 milionë paundësh.
Barcelona që ishte kryesuese e vitit paraardhës, u rendit vetëm në vendin e katërt, pas Bayernit të Mynihut, ndërkohë që sheikët e PSG-së u renditën në vendin e gjashtë.
