Humb kontrollin e motorit, plagoset 28-vjeçari. Aksidenti ka ndodhur në fshatin Selitë në Cërrik, ndërsa gjendja shëndetësore e të riut paraqitet e rëndë.
Mësohet se 28-vjeçari E.H., duke drejtuar motorin ka humbur kontrollin dhe është rrëzuar.
Njoftimi i Policisë
Rreth orës 14:45, në fshatin Selitë, Cërrik, shtetasi E. H., rreth 28 vjeç, duke drejtuar motomjetin e tij, ka humbur kontrollin dhe është rrëzuar.
Për pasojë është dëmtuar 28 vjeçari i cili u dërgua menjëherë në spital dhe ndodhet në gjëndje të rëndë shëndetësore.
Grupi hetimor ndodhet në vendngjarje dhe po punon për sqarimin e rrethanave të aksidentit.
