SPAK ka kërkuar 11 masa arresti me burg dhe 4 të tjera arrest shtepie, për 15 të arrestuarit e kompanisë “Blue energy call”, të cilët dyshohet se nëpërmjet mashtrimit kanë përvetësuar rreth 5 milion euro 2 mijë qytetarëve gjermane.
Katër masat “arrest shtëpie” janë kërkuar për vajzat që janë vënë në pranga për akuzën e mashtrimit në kuadër të grupit kriminal.
Ndërsa për 2 nga 11 masat “arrest me burg” janë kërkuar me afat 60 ditë.
Burime për bëjnë me dije se njëra nga masat me afat 60 ditor është kërkuar për IT e call centerit, Xhuljano Xhafa.
Sipas informacioneve ky shtetas ka bashkëpunuar me drejtësinë. Sipas informacioneve mësohet se mbrëmjen e djeshme gjatë marrjes në pyetje IT-ja përballë agjentit të BKH-së, ka treguar të gjithë skemën dhe mënyrën se si zhvateshin shtetasit gjermanë. Kujtojmë se hetimet e SPAK nisën tetorin e kaluar, pas arrdhjes së një letër porosie nga Gjermania se qytetarët e këtij vendit mashtroheshin për të investuar shuma te konsiderueshme parash. Seanca për caktimin e masës së sigurisë vazhdon ku kanë mbetur edhe 3 avokate që janë duke berë mbrojtjen.
Ndërkohë që pas mbarimit te avokatëve gjykata do tërhiqet për te marrë vendim nëse do e pranoje apo jo kërkesën e SPAK per 15 të akuzuarit për mashtrim
