Eliminimi në Champions League ka lënë pasoja të mëdha te PSG. Pasi u vërshëllyen javën e kaluar në “Parc de Princes”, sot yjet e skuadrës franceze pësuan një humbje turpëruese në Principatë.
Pa Messin kësaj radhe por me Neymar, Mbappe e të tjerë, skuadra e Pochettinos u mund nga Monaco me rezultatin e pastër 3-0.
Në një pjesë të parë të dominuar nga vendasit, ishte Ben Yedder ai që i dha goditjen e parë miqve me një gol në 25’ teksa pritej reagim nga parizienët në të dytën.
Jo vetëm që reagim nuk pati por pësuan edhe dy gola të tjerë me Volland në 68’ dhe sërish Ben Yedder në 84’ me penallti.
Një humbje që mund të përshpejtojë revolucionin në Paris pasi gjërat nuk janë aspak mirë. As me yjet e ekipit, as me trajnerin e gjithashtu as me Leonardon si Drejtor Sportiv.
