Dy automjete janë përfshirë në një aksident në aksin Memaliaj-Krahës, ndërsa raportohet për 6 persona të plagosur.
Policia njoftoi se aksidenti ka ndodhur rreth orës 14:30, ku dy automjete janë përplasur me njëri-tjetrin. Policia njoftoi se të plagosurit janë transportuar në spital për ndihmë mjekësore.
Tepelenë/Informacion paraprak.
Rreth orës 14:30, në aksin rrugor Memaliaj – Krahës, në afërsi të fshatit Krahës, janë përplasur automjeti tip “Renault” me drejtues shtetasin L. F., 50 vjeç, banues në Mallakastër, me autiomjetin tip “Benz” me drejtues shtetasin A. M., 36 vjeç banues në Përmet.
Për pasojë janë dëmtuar drejtuesit e automjeteve si dhe 4 pasagjerët, të cilët janë transportuar në spital për të marrë ndihmën mjekësore.
Në vendngjarje ndodhet grupi hetimor dhe po punon për zbardhjen e shkaqeve të aksidentit
