Nënkryetari i LSI, Petrit Vasili, ka publikuar sot dokumentin zyrtar me firmë e vulë, i cili i drejtohet mjekëve të familjes të poliklinikave si dhe spitaleve ku u kërkohet të pezullojnë analizat për pacientët për pjesën e mbetur të muajit mars.
Vasili shprehet se përmes këtij dokumenti mjekëve të urgjencës u kërkohet që të triazhojnë pacientët dhe të dërgojnë për analiza vetëm pacientët në gjendje të rëndë! Nënkryetari i LSI i ka drejtuar një thirrje Prokurorisë të hetojë urdhërat kriminalë, të cilët nuk bazohen në asnjë protokoll shëndetësor.
“Për pacientët e shtruar në spital urdhëri kërkon që “të kufizohen ekzaminimet laboratorike të panevojshme”!
Këto urdhëra janë kriminale pasi i privojnë pacientët nga një ndërhyrje që mund të bëjë diferencën midis jetës dhe vdekjes tregojne qarte se sistemi shëndetësor ka falimentuar!
Vetëm këta prej 9 vjetësh sistemin shëndetësor mund t’u kërkojnë mjekëve të shmangin ekzaminimet e panevojshëm! Çfarë do të thotë “ekzaminim i panevojshëm”??!! Protokollet e trajtimit mjekësor nuk flasin kurrë për ekzaminime të panevojshme sepse të tilla koncepte të çmendura ekzistojne vetëm në mendjen e rilindjes”, tha Vasili.
Në vjim ai pyet “a ka kontroll për mënyrën se si shpenzohen burimet financiare të cilat edhe në sistemet më të pasura shëndetësore trajtohen me vëmendje maksimale?!”.
“Kur mjekët dhe specialistët e menaxhimit shëndetësor flisnin për rrezikun që vinte nga PPP-ja e laboratorëve, askush nuk e mendoi se situata do të arrinte deri në këtë pikë!
Edhe OBSH u shpreh qarte ne ate kohe se laboratoret nuk duhet te jepeshin me koncesion.
Mjeket ligjerisht nuk mund dhe nuk duhet ta zbatojne kete urdher sepse ky i ve perpara pergjegjesise ligjore ata vete per mjekim te pakujdesshem me pasoja jeten dhe shendetin e pacienteve.
Ndërkohë pacientët të cilëve së shpejti do t’u vijë një mesazh për t’i njoftuar se ekzaminimet e planifikuara për muajin mars do të shtyhen për në muajin prill.
Kjo qeveri qe ka para’ te paguaje inceneratoret dhe klodian zoton dhe stela gugallen, te paguaje koncesione e tendera sekrete me 10 fishin e cmimit nuk paska leke per analizat e shqiptareve”, tha Vasili.
