Sali Berisha, ish-Kryeministër, u shpreh se bashkimi dhe riorganizimi i demokratëve, duhet bërë sa më shpejt, në mënyrë që vendi të shkojë drejt zgjedhjeve të parakohshme parlamentare.
Berisha, gjatë bashkëbiseidmit me shqiptarët që jetojnë në Greqi, në kuadrin e turit të “Foltores” tha se vota e emigrantëve do të mbetet prioritet për opozitën shqiptare, duke i njohur kështu të drejtën mijëra shqiptarëve, për të votuar dhe për të zgjedhur qeverinë.
Lidhur me protestat, Berisha tha se Edi Rama flet me përçmim duke i akuzuar si putinistë dhe pakicë, pavarësisht se rritja e çmimeve është më e larta se në çdo shtet tjetër, në raport me pagat dhe pensionet që marrin shqiptarët.
Berisha tha se rritja e çmimeve nuk ka ardhur vetëm nga lufta në Ukrainë, por edhe nga spekulimet.
“Sot qytetarët shqiptarë po e blenë litrin e naftës më shumë se çdo qytetar tjetër europian, edhe pse kanë pagat më të ulëta. Gjithashtu janë rritur çmimet e produkteve bazë ushqimore dhe kjo ka sjellë reagimin e shqiptarëve të ndershëm”, tha Berisha.
