Shqipëria do të presë më 25 Maj finalen e parë të rëndësishme në historinë e futbollit shqiptar atë të Conference League. Ndoshta eventi më i rëndësishëm që do të mbledhë në Tiranë mijëra tifozë, detyrimisht nga dy shtete europiane në varësi dhe të finalistëve që do të përcaktohen.
Duke qenë se impianti ynë modern duhet të jetë gati në çdo aspekt për këtë finale, FSHF ka zyrtarizuar sot edhe mbylljen e këtij impianti deri më 25 Maj, për shumë disa arsye.
Siç njoftoi Federata që zbuloi programin e kombëtares për dy miqësoret e fundit, do të jetë përballja me Gjeorgjinë ajo që do të jetë e fundit për këtë sezon në këtë impiand deri në zhvillimin e finales. Arsyet janë disa.
Së pari dhe më e rëndësishmja ka të bëjë me fushën që duhet të jetë në gjendje perfekte për finale e Conference League deri më 25 Maj ndaj dhe nuk duhet të ketë ndeshje të tjera.
Një tjetër aspekt është ai i sigurisë dhe duke qenë se Shqipëria për herë të parë pret një event të tillë, UEFA jo më kot ka bërë disa trajnime dhe vijon t’i bëjë për çështje sigurie dhe të pritjes ose organizimit.
Kështu që, Shqipëri-Gjeorgji do të luhet në “Air Albania” dhe më pas impianti mbyll dyert për ndeshjet e Superiores.
