Vitali Klitschko, kryetari i bashkisë së Kievit, deklaroi se ishte gati të jepte jetën në mbrojtje të qytetit.
Klitschko e bëri komentin në një intervistë për ”The New York Post”, ku diskutoi gjithashtu mbi pasojat emocionale të pushtimit rus dhe i kërkoi botës të vazhdojë mbështetjen e saj për Ukrainën.
“Nëse vendi im ka nevojë për jetën time, unë jam gati të jap jetën time për vendin tim, për fëmijët e mi, për të ardhmen”, tha ish-kampioni i boksit në peshat e rënda.
“Askush nuk dëshiron të vdesë, të gjithë duan të jetojnë, por rusët duan të rindërtojnë një perandori ruse dhe ne nuk duam të jetojmë në një perandori ruse”, tha Klitschko.
“Rusët përpiqen të na gjunjëzojnë, por ne po luftojmë tani për lirinë dhe për të ardhmen e fëmijëve tanë dhe të vendit tonë”, theksoi ai.
Kyiv ka qenë nën bombardimet ruse që në ditët e para të pushtimit rus, duke hyrë tashmë në javën e katërt.
Kievi u godit nga një breshëri në mëngjes herët të premten që goditi gjashtë shtëpi dhe dy shkolla u goditën në lagjen Podil.
Të paktën një person u raportua i vdekur.
