Në dy ndeshje pa Marcelo Brozoviç, Interi vuan shume. Pa një organizator të mirëfilltë zikaltërit nuk prodhojnë dot lojë dhe sot u pa sërish edhe ndaj Fiorentinës. Pas barazimit 1-1 me Torinon, Interi merr të njëjtin rezultat edhe me vjollcët në “San Siro” ku nuk munguan vërshëllimat ndaj ekipit nga ana e tifozëve vendas.
Në pjesën e parë, një paraqitje e dobët për skuadrën e Inzaghit që mund të pësonte por edhe mund të shënonte që gjithsesi në të dytën me të nisur loja e pësoi nga goli i Torreiras.
Nuk vonon reagimi i Interit që 5 minuta më pas në 55’, me Dumfries vendos barazpeshën por me shumë minuta lojë në dispozicion, vendasit nuk arritën të bënin asgjë për të fituar. Një barazim që distancon Interin nga dy kryesueit ndërkohë që ka dhe një ndeshje më pak me Bolognan.
