Deputeti i Partisë Demokratike, Ferdinand Xhaferaj ka përsëritur qëndrimin e tij kundër kryedemokratit Lulzim Basha.
Xhaferaj tha se pas zgjedhjeve të pjesshme lokale mbaruan të gjitha mundësitë për të parë pozitivisht mënyrën sesi Basha drejton selinë blu.
“Sepse me 6 mars u prodhua evidencë që jo vetëm demokratët, por edhe elektorati gri nuk e mbështet atë. Sepse Basha humbi ndjeshëm edhe në raport me një lëvizje të krijuar vetëm pak muaj më parë. Në këto kushte u prodhuan argumentat për të rënë në zero nga të gjithë kolegët e grupit parmalentar, mbështetja për zotin Basha,”- shprehet Xhaferaj ndër të tjera.
