Emiljano Shullazi raportohet se është shoqëruar nën masa të rrepta sigurie në spital pasi ka shfaqur probleme shëndetësore.
Drejtoria e Përgjithshme e Burgjeve në bashkëpunim me Policinë e Shtetit ka organizuar lëvizjen e të dënuarit Emiliano Shullazi nga burgu 313 drejt QSUT për disa kontrolle mjekësore të planifikuara nga mjekët.
Muajt e fundit është raportuar se Shullazi është shoqëruar disa herë në spital.
Shullazi aktualisht mbahet nën regjimin “41 bis”.
Apeli i Posaçëm konfirmoi më 3 dhjetor 2021 dënimin me 14 vite burg për Shullazin, i fajësuar për “gjobëvënie” ndaj biznesmenëve Ylvi Beqja dhe Jani Zaka, si edhe për akuzën e “grupit të strukturuar kriminal”.
Shullazi akuzohet nga SPAK edhe për pjesëmarrjen në vrasjen e biznesmenit Vajdin Lame, por edhe Klodian Saliut – i cilësuar si ish-rivali i Lulzim Berishës.
