Nënkryetari i LSI, Petrit Vasili, përmes një postimi në rrjete sociale, shprehet se Prokuroria ka nisur hetimet pas denoncimit të bërë nga vetë ai në emër të LSI për xhupzinjtë e policisë të cilët kanë dhunuar qytetarët të cilët protestonin kundër rritjes së çmimeve.
Vasili shprehet se personat të cilët kanë dhunuar protestuesit janë të paidentifikuar me maska, kapuça dhe armë në brez.
Sakaq, Vasili thekson se çuarja para drejtësisë të urdhëruesve të xhupzinjve dhe ekzekutorëve me maska të zeza në fytyrë, është detyrim ligjor dhe moral përballë qytetarëve.
“Pas denoncimit të deputetit të bërë nga unë në emër të LSI lidhur me dhunën dhe keqpërdorimin nga policia të personave pa shenjë identifikimi me maska me xhupa te zinj, kapuça dhe armë në protesta, Prokuroria ka nisur hetimin.
Prokuroria e ka nisur hetimin në lidhje me veprimet e policisë dhe banditëve xhupzinj gjatë protestave të fundit në Tiranë dhe Rrethe, pas dhunës së ushtruar ndaj qytetarëve.
Çuarja para drejtesisë të Urdhëruesve të xhupzinjve dhe ekzekutorëve me kapuçë e maska të zeza në fytyrë është detyrim ligjor dhe moral përballë qytetarëve.
DREJTËSIA TË GODASË HORRAT PA MESHIRË”, shprehet Vasili.
