Olga Smirnova, një nga yjet e baletit të Teatrit Bolshoi të Moskës, ka dhënë dorëheqjen nga kompania për shkak të pushtimit rus të Ukrainës dhe në vend të kësaj do të kërcejë për Baletin Kombëtar Holandez në Amsterdam.
Smirnova, gjyshi i së cilës është ukrainas, shkroi në Telegram se është “kundër luftës me të gjitha fijet e shpirtit tim”.
“Kurrë nuk e kam menduar se do të turpërohem për Rusinë”, shkruan ajo në deklaratën, e cila më vonë u ribotua nga Baleti Kombëtar Holandez. “Unë kam qenë gjithmonë krenare për njerëzit e talentuar rusë, për arritjet tona kulturore dhe atletike. Por tani ndjej se është shtruar një vijë që ndan para dhe pas.
Është lënduese që njerëzit po vdesin, që njerëzit po humbasin çatitë mbi kokat e tyre ose detyrohen të braktisin shtëpitë e tyre. Dhe kush do ta kishte menduar disa javë më parë se e gjithë kjo do të ndodhte? Ne mund të mos jemi në epiqendrën e konflikti ushtarak, por ne nuk mund të qëndrojmë indiferentë ndaj kësaj katastrofe globale”.
Smirnova iu bashkua Baletit prestigjioz Bolshoi në vitin 2011, përpara se të merrte role kryesore në shfaqjet e “Liqenit të Mjellmave” dhe “Giselle”, ndër të tjera. Që atëherë ajo ka bërë turne ndërkombëtar me trupën dhe është shfaqur si interpretuese e ftuar për Teatrin e Baletit Amerikan dhe Baletin Shtetëror të Vjenës.
