Piter Olainka është shndërruar në një makineri golash te skuadra e Slavias së Pragës. 26-vjeçari nigerian, po kalon një formë të shkëlqyer te çekët, duke u shndërruar në një lider. Olainkës i është besuar edhe shiriti i kapitenit, ndërkohë që ditën e sotme, gjeti sërish rrugën e rrjetës, në përballjen e kthimit të Ligës së Konferencës, ndaj austriakëve të LASK.
Nigeriani shënoi edhe në përballjen e parë, ku Slavia fitoi me rezultatin 4-1, ndërkohë që zhbllokoi sfidën edhe sot në minutën e 24-t. Ky ishte goli i 6-të, në 19 ndeshjet e këtij sezoni për ish-futbollistin e Bylisit dhe Skënderbeut në futbollin shqiptar.
