Deputeti i PD-së, Tritan Shehu, ka komentuar zhvillimet e fundit brenda partisë, ku sipas tij Basha po e mban selinë në mënyrë ilegjitime.
I ftuar në ‘Radari Informativ’, Shehu tha Basha ka vetëm një zgjidhje, largimin e tij nga zyra.
Shehu: Basha ka vetëm një zgjidhje, të largohet nga zyra. Ai ka një seli që nuk është e tij, një vulë që nuk është e tij, pra të lirojë atë që nuk është e tij. Unë nuk shoh asgjë tjetër se çfarë mund të kërkohet nga zoti Basha, është i mirëpritur të jetë deputet në luftën opozitare dhe kaq.
Zoti Basha është shkarkuar nga Kuvendi i 11 Dhjetorit, ku morën pjesë 85% e delegatëve, u ratifikua në referendumin e 18 Dhjetorit, pra kjo është një çështje e mbyllur. Nëse dikush mban në mënyrë arbitrare një zyrë me policinë e Ramës, kjo është pjesë e uzurpimit të asaj që nuk ju takon.
