Edhe pse fitoi 1-0 ndeshjen e parë në Holandë, Roma e bën dramë kualifikimin në çerekfinalen e Conference League. Në eventin ku finalja luhet në Tiranë, Roma me Kumbullën titullar ndoshta e kishte nënvlerësuar disi takimin pas Vitesse luajti më mirë në pjesën e parë.
Në të dytën arriti të shënonte. 1-0, një rezultat që ndërlikonte shumë kualifikimin dhe verdhekuqtë falë insistimit deri në fund, shpëtojnë me Abraham që shënon në 91’.
Në sfidat e tjera, Feyenoord gjithashtu u kualifikua në çerekfinale me fitoren tjetër të thellë 3-1 ndaj Partizanit të Beogradit teksa Gent u eliminua në shtëpi me humbjen 1-2 përballë PAOK.
Slavia e Pragës avancoi në çerekfinale edhe pse u mund 4-3 nga LASK teksa kishte fituar takimin e parë 4-1. Për t’u shënuar, goli i parë i takimit dhe për ekipin çek u shënua nga Petr Olayinka, ish sulmuesi i Skënderbeut në Superiore.
