Gjykata e Apelit shtyn për nesër shqyrtimin e ankimit të zyrtarëve të FSHF kundër masës se “pezullimit nga detyra”.
Shkak i shtyrjes u bë kërkesa e avokatit mbrojtës për të përjashtuar nga trupa gjyqtarin Genti Shala. “Për t’i dhënë kohën e nevojshme mbrojtësit për të paraqitur me shkrim dhe në formën e kërkuar nga ligji kërkesën për përjashtim, seanca u ndërpre dhe u shty për në 18 mars, ora 10:00”, thuhet në njoftimin e gjykatës.
Zyrtarët e federatës, mes të cilëve Presidenti i FSHF Armand Duka dhe sekretari i përgjithshëm Ilir Shulku, u pezulluan nga detyra nga Gjykata e Tiranës, për shkak të hetimeve të nisura për manipulime me zgjedhjet e FSHF-së.
