Ndahet nga jeta një prej infermiereve të QSUT, e cila prej 40 vjetësh jepte kontributin e saj në rradhët e bluzave të bardha.
Njoftimi është bërë nga Urdhëri i Infermierit, i cili përmes rrjeteve sociale bën të ditur se është ndarë nga jeta Zamira Konçi, infermierja e QSUT e cila për 40 vjet dha kontributin e saj duke ju shërbyer pacientëve.
Postimi i Urdhrit të Infermierit:
Të nderuar kolegë:
Me hidhërim të thellë ju njoftojmë se më datë 14 Mars 2022 është ndarë nga jeta kolegia znj. Zamira Tafaj Konçi.
Znj. Konçi lindi më 15.02.1960, në Tiranë. Ka qënë anëtare e Urdhrit të Infermierit të Shqipërisë që prej vitit 2009 dhe ka ushtruar profesionin e infermieres prej më shumë se 40 vitesh pranë Spitalit Infektiv në QSUT.
Ajo ishte e insiativës, kishte gjithmonë një mendim-veprimi për çdo gjë, e dashur me të gjithë, me urtësinë që e karakterizonte ishte gjithmonë në shërbim të tyre, për profesionistët e rinj ishte shembulli i shërbimit me profesionalizëm.
Urdhri i Infermierit të Shqipërisë i shpreh ngushëllimet e sinqerta fëmijëve, familjarëve, miqve, kolegëve dhe gjithë të dashurve për këtë humbje të pazëvendësueshme.
Qoftë i paharruar kujtimi i saj !
