Ish -deputeti Klevis Balliu e konsideron të gabuar tezën që nga PD duhet të largohet si Basha ashtu dhe Berisha. Teksa e quan tezën “Bashizmi”, Balliu thotë se ajo në thelb nuk është gjë tjetër veçse shitje e opozitarizmit për interesa financiare si dhe mbajtje e pozicioneve pa patur votë.
Deklarata
Teza të iki Basha dhe Berisha është të shesësh opozitarizmin.
Bashizmi në thelb është shitje e opozitarizmit për interesa financiare, kjo tanimë është e qartë.
Bashizmi gjithashtu përkthehet në mbajtjen e pozicioneve pa patur mbështetje, pa patur votë.
Në këtë kontekst të largosh atë që ska mbështetje është normale por ti kërkosh atyre që kanë mbështetje dhe kanë votën e antarësisë të largohen nga gara është të mbash gjallë një tjetër që ska votë, qoftë ky Luli apo kushdo tjetër pak rëndësi ka.
Luli është pjesë e një linje të caktuar politike që ka kapur vendin, tani që është bërë i papranueshëm, e njëjta linjë politike që mban Ramën në pushtet dhe ndërtoi bashizmin, kërkon që të ikë Luli si fytyra e bashizmit që të mbrohet bashizmi si sistem politik.
Këtu nuk bëhet fjalë të heqim njërin dhe të sjellim tjetrin, këtu bëhet fjalë të shkatërrosh sistemin e të pavotuarve dhe të pazareve në kurriz të opozitës, gjë e cila mund të ndodhi vetëm me një garë të pastër, të qartë, të vërtetë ku kushdo garon dhe ai që fiton drejton në bazë të votës dhe jo pazarit.
