Ministrja e Financave Delina Ibrahimaj tha se ministrat nuk e kanë detyrim të lëvizin me makinë.
Deklarata e Ibrahmajt duket se ka dashur të rregullojë gafën e koleges së saj, Bora Muzhaqi, e cila tha se e ka të detyrueshme që të lëvizë me makinë.
Ibrahimaj tha se ministrat mund të lëvizin në këmbë dhe kanë shkurtuar me 50% shpenzimet për karburantin.
“Ne rishikuam buxhetin dhe shpenzimet kapitale i rishikuam me 7 miliardë lekë, me rishikimin e parë që bëmë. Rishikuam dhe shpenzimet operative, pra kemi ulur konsumin e karburanteve. Për atë pjesë të administratës që e përdor makinën, por që është në zyrë e kemi përgjysmuar, ndërsa për atë pjesë të administratës që e përdor për qëllim të punës në terren, e kemi reduktuar me 10%”, tha Ibrahimaj në Opinion.
Fevziu: Ministrat e kanë me detyrim që të lëvizin me makinë? Dëgjova një ministre që thoshte e kam të detyrueshme të lëviz me makinë…
Delina Ibrahimaj: Ministrat nuk e kanë me detryrim që të lëvizin me makinë dhe kemi shkurtuar me 50%, shpenzimet e karburanteve për ministrat.
