Analisti Baton Haxhiu, në emisionin ‘Shock’, u shpreh se Lulzim Basha duhet të largohet nga PD bashkë me Salianjin, Dumën, Gjekmarkajn, Alibeajn, të cilët e kanë përkrahur Bashën deri në zgjedhjet e 6 marsit, e pas humbjes së PD kanë kërkuar që ai të japë dorëheqjen.
Haxhiu tha se fakt është se deputetët e PD-së që kanë përkrahur Bashën kanë shkuar “si cjapi te kasapi” në zgjedhjet e 6 marsit, dhe kjo sipas tij, është shkaku që këta njerëz, bashkë me Bashën duhet të largohen nga partia.
“Lul Basha nuk duhet të shkojë i vetëm, për arsye se krejt këta që kërkuan dorëheqjen e tij, Salianji, Duma, Gjekmarkaj, Alibeaj nuk kanë dinjitetin politik për të vazhduar politikën me këdo të jetë, e as për të bashkuar PD-në”, tha Haxhiu.
