Deputetja demokrate Jorida Tabaku, me anë të një postimi në “Facebook” ka publikuar një hartë, ku shfaqet raporti ndërmjet çmimit të naftës dhe rrogave në vende të botës.
Tabaku shprehet se siç shikohet edhe në pamje, në Shqipëri, raporti mes çmimit të naftës e rrogave bën që nafta të rëndojë shumë në xhepat e shqiptarëve.
Postimi i Jorida Tabakut:
Raporti çmimi naftës për nje serbator te mbushur në raport me të ardhurat!
Vendi me të ardhurat më të ulëta në rajon, ku 40% e të ardhurave shkon për ushqimet dhe ujin, ku 25% shkojnë për karburant.
Prandaj nuk është turp sot protesta për çmimet e naftës, monopolit të saj dhe taksave!
Paketa e ofruar është qesharake dhe jashtë nevojave të qytetarëve.
Taksat mbi naftën dhe oligopoli mbi naftën po rrisin çmimet më shumë se sa në çdo vend tjetër! Reagimi qytetarëve është korrekt përballë arrogancës së korruptuarve!
