Pasi deshtoi ne Champions League, te PSG mund te nise nje spastrim i madh. Duke qene se largimi i Mbappe eshte gati i sigurte (Real Madrid e pret) nje tjeter futbollist “big” mund te pershendese. Sipas medieve franceze, përvoja e Neymar Jr duket se është drejt fundit.
Braziliani duket se i ka ditët e numëruara në kryeqytetin francez, sidomos tani, pas eliminimit nga Reali i Madridit në Champions. Performanca e tij ka ardhur në rënie vit pas viti, kështu që drejtuesit e PSG-së janë gati t’i ndezin dritë jeshile largimit të tij.
Tashmë afër të 30-ave, Neymar po përjeton një nga fazat më të errëta të karrierës së tij futbollistike. Braziliani, kur u largua nga Barcelona në verën e vitit 2017, për habinë e të gjithëve, e hodhi këtë hap për të drejtuar një projekt të ri sportiv. Por, ky projekt u fundos edhe sepse ishte Champions objektivi!
Braziliani ka dhjetë ndeshje radhazi pa shënuar në Champions League dhe ka shënuar vetëm pesë gola në 14 ndeshjet që ka luajtur në Ligue 1. Këto statistika nuk kanë kaluar pa u vënë re brenda klubit, pa harruar faktin që ka humbur gati 100 ndeshje për shkak të dëmtimeve të shpeshta.
E ardhmja te PSG do te jete me futbolliste te tjere. Mes tyre synohet edhe Rafael Leaoa. Sipas “La Gazzetta dello Sport”, klubi parizien ka përgatitur një ofertë prej 70 milionë eurosh për klubin kuqezi dhe një pagë rreth 6 milionë euro neto në sezon për anësorin portugez. Këto shifra janë pa dyshim është joshëse, megjithatë, për momentin nuk duken se lëkundin si lojtarin ashtu edhe drejtuesit e klubit. Në të vërtetë, qëllimi i Milanit mbetet zgjatja e kontratës.
Për momentin, prioritet për Leaon është mbyllja përfundimisht e kapitullit me Sportingun e Lisbonës, pasi KAS ka përcaktuar se Lille (dhe jo lojtari) do të duhet të kompensojë klubin portugez për prishjen e njëanshme të kontratës në vitin 2018, përpara transferimit të tij në Ligue 1. Maldini dhe Massara synojnë rinovim e kontratës me lojtarin të paktën deri në vitin 2026, me një rritje të konsiderueshme të pagës.
Çdo sakrificë e portugezit do të çonte në mënyrë të pashmangshme në riinvestimin e atyre parave. Kini kujdes megjithatë! Lille do të kishte 15 për qind të transferimit: pak më pak se 60 milionë euro do të mbeteshin në arkat e Milanit. Një arsye më shumë për të mbajtur lojtarin… shkruan La Gazzetta dello Sport.
