Ka nisur Asambleja e Përgjithshme e Zakonshme Zgjedhore, ku do të votohet për drejtuesin e ri të Federatën Shqiptare të Futbollit në katër vitet e ardhshme.
Në këtë garë përballë janë tre kandidatë; Kreu aktual i FSHF, Armand Duka, Sulejman Starova dhe Dritan Shakohoxha.
Sa i takon garës për anëtarët e Komitetit Ekzekutiv, në garë janë: Abdyl Kuriu, Anila Basha, Arben Dervishaj, Bardhyl Jera, Envi Hicka, Ermal Tahiri, Ervin Canollari, Gjergji Petro, Lutfi Nuriu, Pano Xhixho, Vasil Bicaj dhe Ylli Ҫekiҫi.
Armando Duka, kreu aktual i FSHF, kërkoi votëbesimin për një mandat tjetër në krye të FSHF-së.
“Kërkoj mbështetjen tuaj sërish për të vazhduar me këtë punë tonën. Askush nuk e kishte menduar as në ëndrrën më të bukur se Shqipëria do të shkonte në Europian. Askush nuk e kishte menduar as në ëndrrën më të bukur se Tirana dhe Partizani do të luanin në një stadium si Air Albania. Kam dëgjuar se argumenti i vetëm kundër nesh është se kemi shumë kohë në drejtim. Asgjë tjetër, pasi nuk mund të kapen me argument tjetër. Por trajnerët e dinë fare mirë se grupi fitues nuk preket kurrë”, tha Armando Duka,
Zgibi Boniek, zëvendëspresidenti i UEFA-s, mbajti një fjalim përshëndetës para Asamblesë së FSHF.
“Doja të përcillja përshëndetjet e Ceferin dhe UEFA. Marrëdhëniet tona janë shumë të mira, po shohim sesi po rriteni çdo ditë si Federatë dhe përfaqësuesi juaj, Duka, bën pjesën në UEFA. Është hera e dytë që vi në Shqipëri, herën e parë kam ardhur në 1985 si lojtar, kam pasur mundësinë të luaj me Kombëtaren tonë. Nëse dikush nuk e mban mend rezultatin, duhet të pyesni. Jam i mahnitur me ndryshimin, stadium i mahnitshëm dhe selia ishte shumë e bukur. Kam bërë tifo për Shqipërinë në Europianin e Francës”, tha ai.
Mbledhja e sotme vjen në frymën e konfliktit, teksa gazetari Dritan Shakohoxha – kandidat për kreun e FSHF – nuk është prezent.
Në mbledhje u njoftua po ashtu se delegatët e Shoqatës Tirana nuk janë prezent.
https://www.youtube.com/watch?v=05s4OK6OmZk
