Njeriu i memeve në Shqipëri, Genc Sejko, ka shpërndarë në rrjetet sociale një deklaratë të Baton Haxhiut.
Haxhiu shprehet se “protestuesit po ofendojnë Shqipërinë, se Ukraina po shkatërrohet e se protesta në Tiranë është neveritëse”.
Ndaj kësaj deklarate, Sejko përgjigjet, duke thënë se ndjen neveri që jeton në të njëjtin diell me Baton Haxhiun.
Genc Sejko shton se më të neveritshëm se Batoni dhe pronari i Batonit janë ata që paguhen 300 mijë lekë në muaj por që mbështesin qëndrimin e Batonit dhe pronarit të tij.
Postimi i Genc Sejkos:
Njeriu që paguhet 18 milion lekë në muaj për t’iu lëpirë pushtetit ndjen neveri ndaj atyre që nuk e mbyllin dot muajin me 300 mijë lekë.
Unë për vete ndjej neveri që flas të njëjtën gjuhë me Batonin, thith të njëjtin ajër me Batonin e ngrohem nga i njëjti diell që ngroh Batonin dhe atë që paguan lehjet e Batonit.
Më të neveritshëm se Batoni dhe pronari i Batonit janë ata që paguhen 300 mijë lekë në muaj por që mbështesin qëndrimin e Batonit dhe pronarit të tij.
Ja që neveria tek ne nuk ka fund kurrë.
