Analisti Baton Haxhiu mbajti një qëndrim ekstrem kundër protestës qytetare lidhur me rritjen e çmimeve, duke e cilësuar atë të turpshme.
Haxhiu tha se kjo protestë i shërben Vladimir Putinit.
“A keni ndërgjegje qytetare ju apo jo? Në Ukrainë po vriten njerëz, Europa është në krizë, ndoshta më të madhen e 70 viteve të fundit. Shqipëria është në NATO, dhe NATO është para konfliktit të hapur, e gjithë Bota bën protestë për lirinë e Ukrainës, ndërsa këtu protestohet për pasojat e krizës”, tha Haxhiu.
Ai tha se në Shqipëri po kërkohet mirëqënie në luftë, po kush ia jep të drejtën atyre që të bëjnë protesta.
Haxhiu tha se ndërkohë që ca protestojnë, Maluba po jep koncert ku marrin pjesë 10 mijë vetë, dhe këto thonë po bëjnv protest për bukën e gojës.
“Protestuesit po ofendojnë Shqipërinë, po shkatërrohet një vend me 40 mln dhe këta nuk kanë ndërgjegje”, tha Haxhiu në Opinion.
