Kategoria Superiore do të rikthehet të luhet sërish në fundjavë. Java e 26-të e kampionatit shqiptar është projektuar të luhet në dy ditë, të shtunën dhe të dielën, ndërsa spikat derbi i kryeqytetit, Tirana-Dinamo.
Ditën e shtunë do të luhen 3 ndeshjet e para dhe Superliga do të nisë në orën 13:45 me Kastrioti-Partizani dhe Egnatia-Vllaznia. Në orën 16:45 është projektuar derbi i kryeqytetit, Tirana-Dinamo. Bardheblutë që kryesojnë kampionatin do të përballen me Dinamon që mban vendin e parafundit në klasifikim.
Ditën e diel do të luhen dy ndeshjet e fundit të cilat do të luhen në dy orare të ndryshme. Fillimisht në orën 13:45 do të luhet sfida, Laçi-Teuta, ndërsa Skënderbeu-Kukësi do të luhet në orën 16:45. Ndeshja në Korçë do të mbyll kështu këtë javë të 26-të të Superligës dhe më pas kampionati shqiptar do të ndalet për shkak të Kombëtareve. Superliga do të rikthehet në fushë më datë 2 prill me klubet që do të rikuperojnë energjitë dhe lojtarët.
Java e 26-të
E shtunë:
Kastrioti-Partizani Ora 13:45
Egnatia-Vllaznia Ora 13:45
Tirana-Dinamo Ora 16:45
E diel:
Laçi-Teuta Ora 13:45
Skënderbeu-Kukësi Ora 16:45
