Kandidati për president në Francë, Eric Zemmour është goditur me vezë gjatë një takimi elektoral. Teksa po dilte nga vetura, një burrë që ishte në mesin e të grumbulluarve i hodhi vezën në kokë politikanit të djathtë. 63-vjeçari është një ndër kandidatët më të fortë që do ta sfidojë në garë presidentin aktual, Emmanuel Macron.
Supozohet se një lëvizje e tillë është pasojë e angazhimit të Zemmourit për heqjen e sanksioneve ndaj Rusisë, me të cilën shumica dërrmuese e qytetarëve në Francë nuk janë dakord. Zgjedhjet presidenciale në Francë do të mbahen më 10 prill ndërsa dy javë më vonë balotazhi nëse është i nevojshëm.
