Ish-Kryeministri Sali Berisha ka publikuar në Facebook një video nga mbledhja e bordit i administrimit të karburanteve, në prani të ministres Belinda Balluku dhe përfaqësuesve të kompanive tregtare.
Në video, Balluku dëgjohet teksa u thotë kompanive të naftës që protestuesit do iu djegin karburantet, duke iu referuar protestave të qytetarëve kundër rritjes së çmimit të naftës dhe produkteve të tjera.
“Nga situata e emergjencës në këto momente në sektorin e hidrokarbureneve mund të marrim vendime të njëanshme dhe ju jeni të detyruar t’i zbatoni. Shkon deri në konfiskime kjo histori, sepse është histori e parashikuar, lexoni 808-ën. Nuk e detyron kush qeverinë që t’ju ketë ju këtu përballë.
Tani, do gjejmë një gjë të përbashkët, apo do të ktheheni në flamurin e revolucionin dhe do të vijnë t’ju djegin karburantet. Tani do ta zgjidhim këtë situatë, apo do të më tregoni me sa po ju vjen anija tjetër?”, shprehet Balluku.
