Protestës kundër rritjes së çmimeve i janë bashkuar qytetarë të ndryshëm. Nënë Liza pjesë e kësaj proteste ka bërë thirrje kundër rritjes së çmimeve.
Ajo theksoi se pensioni që marrin nuk mjafton as për t’u ushqyer.
Nënë Liza u ndal dhe te aksioni shtetëror që shembi banesën e saj dhe të banorëve të tjerë tz zonës së 5 majit në Tiranë.
“Pensionet nuk dalin për bukë. Na kanë shkatërruar, thonë të ecim me gomar, ose mos me la me lavatriçe, thotë Balluku, por me dorë. Kryeministri dhe kreu i bashkisë të dalin para popullit e të flasin. Këta nuk e meritojnë t’u themi zotëri. Këta janë ferrat e Shqipërisë. Ka rini bolll me i zevendësu, kryeministrin, Veliajn, Ahmetajn… Kryeministri që është burrë t’i dalë përpara këtij populli dhe t’i japin përgjigje këtij populli. Ukraina është në Shqipëri, Rusia po i bien Ukrainës, por ne na ra shteti jonë, na ra në shtëpinë tonë…Shtëpitë tona janë shkatërruar, Ukraina është në Shqipëri. I bëj thirrje popullit shqiptar që të protestojë sa më shumë e sa me fort. Policia mos të kapet me të rinjtë, por të heqin kapelet e të bashkohen me ne. Falenderoj mediat dhe popullin shqiptar”, tha mes të tjerash ajo.
