Dhuna në futbollin shqiptar nuk ka të ndalur dhe rasti i fundit ishte në ndeshjen mes Laçit dhe Skënderbeut.
Në minutën e 70 loja u ndal për disa minuta për shkak të problemeve me tifozët e Laçit. Lojtarët vendas u përpoqën që të qetësonin situatën.
Kur loja ishte gati të rifillonte lojtari i Skënderbeut, Vangjel Zguro u godit me gurë nga tifozët. Një moment aspak i bukur për futbollin shqiptar që çdo ditë e më shumë po sheh raste të tilla. Lojtari më pas u zëvendësua nga trajneri Skënder Gega.
