Tensione këtë të Shtunë në mbledhjen e grupit parlamentar të Partisë Demokratike, ku ka patur ngritje tonesh mes diskutantëve.
Deputetët i kanë kërkuar dorëheqjen nga drejtimi i PD-së Lulzim Bashës. Kritikë me Bashën janë shprehur edhe deputetë që e mbështesnin deri para 6 Marsit, si Gazment Bardhi, Enkeljed Alibeaj dhe të tjerë.
Një përplasje të fortë, Lulzim Basha ka pasur me Ervin Salianjin. Në një debat me tone të acaruara, Salianji i ka kërkuar Bashës dorëheqjen nga drejtimi i Partisë Demokratike.
“Duhet akt, nuk mund të thuhet që vendos gjithçka në dispozicion të PD. Po ju kërkohet vetëm një gjë, të jepni dorëheqjen sot me akt publik dhe qëndroni në detyrë për një afat jo më shumë se 2 javë. Në këtë periudhë të krijojmë bord/nukël, jo me numër të vogël nga ky grup parlamentar me detyrën për të negociuar me çdo personalitet që interes ka PD dhe kërkon të bashkohet me PDSH. Sot shqetësimi im kryesor është mbrojtja e kujtdo që ka mbrojtur interesat e Partisë Demokratike, ne nuk i kemi lëshuar ata, do bej gjithçka për ti mbrojtur! Përgjegjësia në politike mbahet me akte, jo me fjale”, tha Salinji mes të tjerash.
“Duhet të themi të vërteten ka sentiment anti-Bashe kudo, ju e rritët Berishën”, iu drejtua Bashës-deputeti.
“Në 6 Mars ka humbur opozita dhe ka krizë besimi tek ju”, shtoi Salianji.
Lexo edhe:
Mbledhja e grupit parlamentar të PD/ Alibeaj dhe Tabaku i kërkojnë Bashës “të bëjë hapa pas”
