Protestues që kundërshtojnë luftën në Ukrainë, kanë shkuar sot para shtëpisë së kryediplomatit rus, Sergej Lavrov në Londër.
Ata kanë mbajtur pankarta me slogane në duart e tyre, përmes të cilave kanë përçuar mesazhet e tyre.
Vajzën e Lavrov, Polina Kovaleva e kanë quajtur bijë të kriminelit të luftës dhe e kanë akuzuar për shpëlarje parash.
“Polina Kovaleva është vajza e kriminelit rus të luftës, Sergej Lavrov, e cila shpëlan para këtu”, thuhej në njërin prej sloganeve.
Qytetarë anembanë vendeve perëndimore kanë protestuar në kryeqendrat evropiane dhe përtej për invazionin e paprovokuar të Rusisë në Ukrainë. Në këto protesta, Putin dhe përkrahësit e tij janë etiketuar shpeshherë si kriminelë luftë.
