Komisioni i Rithemelimit përmes një deklarate ka reaguar lidhur me zhvillimet më të fundit në Partinë Demokratike, atje ku pjesa dërrmuese e deputetëve demokratë i kërkojnë dorëheqjen Lulzim Bashës, por disa prej tyre e lidhin këtë edhe me tërheqjen e Sali Berishës.
Floriana Garo, Zëdhënëse e Komisionit të Rithemelimit, në deklaratë tha se zgjidhja e vetme është bashkimi përmes rikthimit tek vota e lirë!
“Anëtarët, drejtuesit, deputetët e PD e kanë vendin e tyre të pamohueshem në Partinë Demokratike të votës së lirë. Kush ka frikë votën e lirë të demokrateve nuk ka moral të kërkojë votën e shqiptarëve!
Çdo demokrate dhe demokrat duhet të kuptojë se përjashtimet dhe mungesa e votës së lirë janë vdekja e një force politike!
Ringritja dhe fitorja kalojne jo duke u bërë vegël apo kukull e ndokujt, por vetëm përmes bashkimit, i cili realizohet vetëm me një kusht: Vota e lirë!”, thuhet në deklaratë.
Deklarata e Komisionit të Rithemelimit
Kaq dite pas katastrofes elektorale ku e katandisi Partine Demokratike, ish kryetari Lulzim Brava mendon se mund të marrë zvarrë edhe deputetet e Grupit Parlamentar te kesaj partie.
Pasi i eshte pervjedhur gjithe jeten e tij politike pergjegjesise per serialin e humbjeve, edhe kesaj here kerkon t’i shpetoje asaj duke e vene veten tashme i damkosur si humbes serial dhe peng mjeran në një hap me Sali Berishën.
Grupi parlamentar dhe demokratet nuk jane sot para dilemes: Berisha apo Basha. Për Sali Berishën dhe kanditatet e SHL votuan në 6 Mars me gjithe logon e rrembyer 70 për qind e demokratëve, ndersa PD e vules, braves pengut dhe bunkerit u rendit e treta per here te pare ne 30 vjet qe nga dita e themelimit te saj.
PD e vules dhe logos se rrembyer u katandis ne kete dite sepse Lulzim Brava, peng i aferave dhe pazareve, injoroi dhe mohoi vullnetin e demokrateve dhe voten e tyre te lire brenda PD-se.
Pergjigjen ata e moren ne 6 Mars!
Zgjidhja e vetme eshte bashkimi permes rikthimit tek vota e lire! Anetaret, drejtuesit, deputetet e PD e kane vendin e tyre te pamohueshem ne Partine Demokratike te votes se lire. Kush ka frike voten e lire te demokrateve nuk ka moral te kerkoje voten e shqiptareve!
Çdo demokrate dhe demokrat duhet te kuptoje se perjashtimet dhe mungesa e votes se lire jane vdekja e nje force politike!
Ringritja dhe fitorja kalojne jo duke u bere vegel apo kukull e ndokujt, por vetem permes bashkimit i cili realizohet vetem me nje kusht: Vota e lire!
